Bestway ընկերությունը շնորհակալություն է հայտնում Ձեզ ցուցաբերած վստահության համար և երաշխավորում է արտադրատեսակների բարձր որակը և անթերի աշխատանքը, ինչպես նաև վստահ ենք, որ մեր արտադրատեսակի օգտագործումը Ձեզ կպարգևի բազմաթիվ հաճելի պահեր:
Bestway սպասարկման կենտրոնը հանդիսանում է արտադրողի պաշտոնական գործընկերը և նրա կողմից լիազորված է երաշխիքային ժամանակահատվածում ցուցաբերել երաշխիքային աջակցություն և իրականացնել դիագնոստիկա (առանց մասնագիտացված փորձագիտական կազմակերպություններ դիմելու): Երաշխիքային աջակցության տակ հասկացվում է սպառողին արտադրատեսակի համալրող մասի կամ հիմնական արտադրատեսակի բաղկացուցիչ մասի տրամադրումը այն հետագայում ինքնուրույն տեղադրելու համար այն համալրող մասի փոխարեն, որի վրա շահագործման ընթացքում հայտնաբերվել է արտադրական թերություն երաշխիքային ողջ ժամկետի ընթացքում՝ ապրանքի շահագործման պայմանների պահպանման դեպքում։
1. Երաշխիքի ընդհանուր պայմանները
- Գնորդի և Վաճառողի միջև հարաբերությունները կարգավորվում են Սպառողների իրավունքների պաշտպանության մասին օրենքի դրույթներով
- Երաշխիքային ժամկետը կախված է ապրանքի տեսակից, կարող եք ստուգել երաշխիքի ժամկետը և որոշակի տեսակի արտադրանքի համար արտադրողի երաշխիքի տրամադրումը Երաշխիքային ժամկետներ աղյուսակում
- Սույն երաշխիքային քաղաքականությունը տարածվում է միայն արտադրողի կողմից տրամադրված երաշխիքի վրա: Նկատի ունենալով, որ վաճառողն իրավունք ունի ինքնուրույն սահմանել երաշխիքի ժամկետը, սպասարկման կենտրոն դիմելուց առաջ խնդրում ենք համոզվել, որ ապրանքի վրա տարածվում է հենց արտադրողի երաշխիքը, հակառակ դեպքում անհրաժեշտ է ուղղակիորեն դիմել վաճառողին:
- Երաշխիքային սպասարկումը, որի համար լիազորված է սպասարկման կենտրոնը, հանդիսանում է արտադրանքի թերությունների անհատույց վերացում, որոնք առաջացել են մինչև ապրանքը սպառողին հանձնելը, պայմանով, որ գնորդը պահպանել է արտադրողի կողմից սահմանված պահման, փոխադրման և շահագործման կանոնները:
- Եթե ապրանքի թերությունները վերացվում են արտադրատեսակի համալրող մասի կամ հիմնական արտադրատեսակի բաղկացուցիչ մասը արտադրատեսակի նոր համալրող մասով կամ հիմնական արտադրատեսակի բաղկացուցիչ մասով փոխարինելու միջոցով, դրանց երաշխիքային ժամկետը ավարտվում է հիմնական արտադրատեսակի երաշխիքային ժամկետի հետ միաժամանակ։
- Ապրանքի շահագործման պայմանները, որոնց դեպքում արտադրողի երաշխիք չի տրամադրվում.
- Առկա են չլիազորված անձանց կողմից արտադրատեսակի վերանորոգման հետքեր՝ արտադրողի պահանջների և անվտանգության տեխնիկայի նորմերի խախտմամբ:
- Թերություններն պայմանավորված են շահագործման կանոնների, ինչպես նաև տեղադրման, միացման, գնորդի տեղական տեխնիկական պայմաններին ադապտացման, պահման և փոխադրման կանոնների և պայմանների խախտման հետևանքով առաջացած փոփոխություններով:
- Արտադրատեսակը վնասված է շրջակա միջավայրի ագրեսիվ ազդեցության (կարկուտ, ամպրոպ և այլն), ֆորս-մաժորային հանգամանքների առաջացման (հրդեհ, ջրհեղեղ, երկրաշարժ և այլն) կամ պատահական արտաքին գործոնների ազդեցության (էլեկտրական ցանցում լարման բարձրացում և այլն) արդյունքում:
- Արտադրատեսակն ունի արտահայտված մեխանիկական կամ էլեկտրական վնասվածքներ:
- Վնասվածքը պայմանավորված է արտադրատեսակի մեջ կողմնակի առարկաների, նյութերի, հեղուկների, միջատների կամ կենդանիների ներթափանցմամբ:
- Օգտագործման պահանջներին չհամապատասխանող ծախսային նյութերի օգտագործում:
- Արտադրատեսակն անհրաժեշտ է պահել և շահագործել օգտագործողի ուղեցույցում նշված տեխնիկական խորհուրդներին համապատասխան։
2. Հայտի ձևակերպման կարգը
- Սպառողը երաշխիքային ժամանակահատվածում իրավունք ունի դիմել սպասարկման կենտրոն արտադրական թերության անհատույց վերացման պահանջով պայմանով, որ ապրանքի շահագործման պայմանները պահպանվել են:
- Եթե սպառողը պահանջում է ապրանքի փոխարինում և/կամ պայմանագրի դադարեցում, ապա պետք է հաշվի առնել, որ սպասարկման կենտրոնը արտադրողի կողմից լիազորված չէ քննել այդպիսի պահանջները, և սպառողը պետք է դիմի այն սուբյեկտին, որը լիազորված է բավարարել այդպիսի պահանջները օրենքի ուժով:
- Մինչ սպասարկման ծառայություն դիմելը, համոզվեք, որ արտադրողի երաշխիքը տարածվում է ապրանքի վրա: Ապրանքների ցանկին և երաշխիքային ժամկետներին, որոնց վրա տարածվում է արտադրողի երաշխիքը, կարելի է ծանոթանալ Երաշխիքային ժամկետներ աղյուսակում
- Սպառողի պահանջը արտադրական թերությունը անհատույց վերացնելու մասին կարող է ներկայացվել սպասարկման կենտրոն հետևյալ կերպ.
- ուղարկելով service@bestwaycorp.am էլեկտրոնային հասցեով։
Նամակագրություն վարելիս և անձնական տվյալներ տրամադրելիս Դուք տալիս եք համաձայնություն Ձեր անձնական տվյալների մշակմանը՝ «Անձնական տվյալների մասին» օրենքին համապատասխան, Անձնական տվյալների մշակման համաձայնության մեջ սահմանված պայմաններով և նպատակներով։
- Սպառողի կողմից երաշխիքային սպասարկում ստանալու հայտը գրանցվում է սպասարկման կենտրոնում միայն պարտադիր տեղեկատվության առկայության դեպքում, որը ներառում է.
- ԱԱՀ
- կոնտակտային տվյալներ (հեռախոս և էլ. փոստ)
- հասցե՝ նշելով ինդեքսը
- հաճախորդի պահանջը և խնդրի նկարագրությունը
- վաճառող ընկերության անվանումը
- ապրանքի տեսակը
- ապրանքի գնման ամսաթիվը հաստատող փաստաթղթի՝ կտրոնի լուսանկարը/սկան պատճենը, ապրանքագիր
- ապրանքի սերիական համարի և արտիկուլի լուսանկարը
- լուսանկար կամ տեսանյութ, որի վրա կերևա թերությունը և ապրանքի ընդհանուր տեսքը
- անձնական տվյալների մշակման համաձայնություն
- Եթե երաշխիքային սպասարկում ստանալու մասին սպառողի հայտը չի պարունակում վերը նշված տեղեկությունները, sպասարկման կենտրոնն իրավունք ունի մերժել սպառողի երաշխիքային աջակցությունը:
- Թերության առկայության մասին նշումով առաջնային հայտը ստանալուց հետո սպասարկման կենտրոնի մասնագետը հաճախորդին կտրամադրի հետադարձ կապ, այդ թվում՝ լրացուցիչ տեղեկատվություն ստանալու նպատակով:
- Ձևակերպելով հայտ՝ սպառողը պետք է տա իր համաձայնությունը անձնական տվյալների մշակմանը՝ «Անձնական տվյալների մասին» օրենքին համապատասխան, կայքում տեղադրված «Անձնական տվյալների մշակման համաձայնության» մեջ սահմանված պայմաններով և նպատակներով:
- Անձնական տվյալների մշակման համաձայնության հետկանչը կարող է ուղարկվել նաև service@bestwaycorp.am էլեկտրոնային հասցեին: Անձնական տվյալների սուբյեկտի կողմից իր անձնական տվյալների մշակման համաձայնությունը հետ կանչելու դեպքում անձնական տվյալների մշակման դադարեցումը և անձնական տվյալների ոչնչացումը կկատարվի դիմումը ստանալու պահից 30 օրվա ընթացքում:
- Սպառողի երաշխիքային սպասարկման հայտի մշակման ժամկետը կազմում է 10 (տասը) օր:
3. Երաշխիքային սպասարկում իրականացնելու կարգը
- Երաշխիքային սպասարկումը արտադրանքի թերությունների անհատույց վերացումն է, որոնք առաջացել են մինչև ապրանքը սպառողին հանձնելը, պայմանով, որ գնորդը պահպանել է արտադրողի կողմից սահմանված պահման, փոխադրման և շահագործման կանոնները:
- Ապրանքի անսարք մասերը կամ բաղկացուցիչ մասերը, որոնք փոխարինվել են արտադրական թերության վերացման ընթացքում, մնում են սպառողի մոտ և ինքնուրույն խոտանվում են նրա կողմից:
- Բացառիկ դեպքերում սպասարկման կենտրոնն իրեն իրավունք է վերապահում սպառողից պահանջել ապրանքը ուղարկել սպասարկման կենտրոն, որի դեպքում ապրանքի առաքման ծախսերը կրում է սպասարկման կենտրոնը:
- Երաշխիքային աջակցության ավարտը համարվում է սպասարկման կենտրոնի կողմից պահեստամասերի կամ համալրող մասերի ուղարկման ամսաթիվը:
- Սպառողի հետ համաձայնությամբ երաշխիքային պարտավորությունների շրջանակներում փոխարինման ենթակա համալրող մասը սպասարկման կենտրոնի կողմից կարող է ուղարկվել անմիջապես սպառողին կամ վաճառողին:
4. Այլ դրույթներ
- Սպասարկման կենտրոնն իր աշխատողներին չի ուղարկում վաճառողի կամ սպառողի մոտ ապրանքի թերության պատճառը պարզելու համար, սպասարկման կենտրոնի և վաճառողի ամբողջ հաղորդակցությունն իրականացվում է պատշաճ կերպով ձևակերպված հայտի շրջանակներում:
- Սպասարկման կենտրոնն իր աշխատողներին չի ուղարկում վաճառողի կամ սպառողի մոտ երաշխիքային աջակցության շրջանակներում հիմնական ապրանքի համալրող մասի կամ բաղկացուցիչ մասի փոխարինման համար: Համալրող մասի տեղադրումը չի պահանջում հատուկ հմտություններ և իրականացվում է սպառողի կամ վաճառողի կողմից ինքնուրույն: